புதையலை தேடும் சிறுவர்கள் - THE GOONIES விமர்சனம்

அன்பர்களுக்கு வணக்கம், சில படங்கள் தான் எத்தனை வருடம் கழித்து பார்த்தாலும் எந்த காலகட்டத்திற்கும் பொருந்துவது போல் இருக்கும், சில படங்கள் தான் எல்லா வயதினராலும் ரசிக்கப்படும், அந்த வகையில் தமிழில் ஒரு உதாரணம் கூறுவதென்றால் "தில்லு முல்லு" படத்தை கூறலாம்.

ஆங்கில படங்களை எடுத்துக் கொண்டால் அதிக பட்சம் அவர்கள் படம் எடுப்பதே இதை குறிக்கோளாய் வைத்துதான் என நினைக்கிறேன், கிட்டத்தட்ட 18 வருடங்களுக்கு முன் வந்த ஒரு படத்தினை சகப்பதிவரின் அறிமுகத்தால் பார்த்தேன், என்னால் முழுதாய் ரசித்து பார்க்க முடிந்தது, படத்தின் பெயர் "THE GOONIES"

15 வயதிற்கு முன்பு எல்லாருக்கும் ஒரு பழக்கம் இருக்கும், தாங்கள் படித்த அல்லது பார்த்த கதாபாத்திரங்களை மனதில் வைத்துக்கொண்டு ஒரு குருப் ஆக அலைவது, யாரும் இந்த வயதில் தனியாக இருக்க விரும்ப மாட்டார்கள், கண்டிப்பாக அந்த கூட்டத்தில் ஒரு ஹீரோ, காமெடியன், ஒரு விஞ்ஞானி இருப்பான், என் சிறுவயதிலும் அப்படித்தான், அப்படி இருக்கும் சிறுவர்களின் கூட்டத்தின் பெயர்தான் "THE GOONIES".

 

எதெச்சையாக வீடு சுத்தம் செய்யும் பொழுது கிடைக்கும் கடற்கொள்ளையர் கொள்ளையடித்த புதையல் குறித்த தகவ்ல் அடங்கிய மேப் கிடைக்கிறது, குடும்பத்தில் கடன் பிரச்சனை இருக்கிறது, பெற்றோர்கள் கஷ்டபடுகிறார்கள். ஒரு நாள் தைரியமாக இறங்கி செயல்பட்டால் புதையல் கிடைக்கும் என்ற நம்பிக்கையில் சிறுவர் கூட்டம், அண்ணனை கட்டிப்போட்டுவிட்டு கிளம்புகிறது.

இதற்கிடையில் சிறையில் இருந்து தப்பிக்கும் கைதியில் குடும்பம் புதையலை அடையும் வழியில் இருக்கும் வீட்டில் எதையோ மறைத்து வைக்கிறார்கள், அவர்களை ஏமாற்றி விட்டு உள்ளே நுழைந்தால் ஏகப்பட்ட தடங்கல்கள். புதையலை அடைய வருபவர்களுக்காக வைக்கப்பட்ட பொறிகள் விதவிதமாக தாக்குகின்றன.

இதற்கிடையில் சிறுவர்களை தேடிக்கொண்டு அண்ணனும், அவனை தேடி அவன் காதலி மற்றும் தோழியும் வந்து அவர்களும் புதையலை தேடி உடன் வருகிறார்கள். அதில் ஒரு சிறுவன் மட்டும் கொலைக்காரர்களிடம் மாட்டிக்கொண்டு விட அவனை ஒரு அதிகமாய் வளர்ந்த மன நிலை பாதிக்க பட்டவனுடன் கட்டி வைக்கிறார்கள்.

இப்படி எல்லாப் பிரச்சனையையும் தாண்டி இவர்கள் அந்த கடல் கொள்ளையனின் கப்பலை அடைந்தார்களா? இவர்களை பின் தொடர்ந்து வந்து கொண்டிருந்த கொலைக்காரார்களிடம் சிக்கினார்களா? புதையல் யாருக்கு கிடைத்தது என்பது க்ளைமாக்ஸ்.

படம் முழுக்க முழுக்க நகைச்சுவையை நம்பி எடுக்கப்பட்டிருக்கு, அதிலும் ஒரு சிறுவன் கொலைக்காரர்கள் மிரட்டி கேட்க 3 வது படிக்கும் போதிலிருந்து செய்த அனைத்து தவறுகளையும் ஒப்பிக்கும் இடம் அருமை, அதே போல் ஹீரோயின் காதலனுக்கு குடுக்க வேண்டிய முத்தத்தினை கண்களை மூடிக்கொண்டு அவன் தம்பிக்கு குடுப்பது செம. நம்பி பார்க்கலாம்.

படத்தோட ட்ரெய்லர்

உங்களுக்கு இப்பதிவு பிடித்திருந்தால் நண்பர்களுடன் பகிர்ந்து கொள்ளுங்கள், குறையிருப்பின் கருத்துக்களை தெரிவியுங்கள்.