பிரம்மச்சாரிகளுக்கான படம்-The 40 year old virgin- REVIEW

அன்பர்களுக்கு வணக்கம்.  என்னை பொறுத்த வரை உலக சினிமாக்களில் கொஞ்சமாவது மனதை வலிக்க செய்யும் காட்சிகள் வரும், அதை தாங்கும் தைரியம் எனக்கு எப்போதாவதுதான் வருகிறது, மீதி நேரங்களில் என் ஓட்டு ரொமேண்டிக்/காமெடி படங்களுக்குதான். அந்த வகையில் இன்று நாம் காணப் போகும் படம் "THE 40 YEAR OLD VIRGIN".

 

உங்கள் வாழ்க்கையில் 30ஐ கடந்த பிரம்மச்சாரிகளை பார்த்ததுண்டா? நம் கலாச்சாரத்தை பொறுத்தவரை ஆண்களுக்கு திருமணம் தள்ளிப் போக 2 காரணங்கள் தான். ஒன்று வயதுக்கு வந்த தங்கைகள், இன்னொன்று செவ்வாய் தோஷம். பணம் இல்லாவிடினும் ஆண்களுக்கு எளிதில் திருமணம் ஆகிவிடும். பெண்களுக்குதான் சிரமம்.

இந்த திரைப்படத்தின் நாயகனுக்கு 40 வயதாகிறது,பிரம்மச்சாரி, எலக்ட்ரானிக் ஷோரூமில் வேலை செய்கிறார். கன்னிக் கழியாதவர். அதற்கான காரணம் பெரிதாய் குறிப்பிட படவில்லை, வாலிப காலங்களில் தட்டிப் போக அப்படியே கண்டு கொள்ளாமல் விட்டு விட்டார். யாருடனும் அதிகம் பேசி பழகாததால் அனைவரும் இவரை சைக்கோ என்று நினைக்கிறார்கள்.

 

ஒரு நாள் எதெச்சையாக சக ஊழியர்கள் சூதாட்டத்திற்கு ஆள் பத்தவில்லையென்று அழைக்க இவர் போக, அவரவர்களது செக்ஸ் அனுபவங்களை பற்றி பகிரும் போது ஹீரோ பொய் சொல்ல முயற்சி செய்து மாட்டிக் கொள்கிறார். அவர் கன்னிப் பையன் என்பது தெரிய வரவும் கலாட்டா ஆரம்பிக்கிறது.

 

ஒவ்வொருவரும் ஏன் ஏன் என்று கேட்டு துளைத்து விட்டு எப்படியாவது அவருக்கு ஒரு பெண்ணை செட் செய்து விட வேண்டும் என்று முடிவு செய்கிறார்கள். அதற்கு பின் நடப்பது சுவாரசியமான கலாட்டா.

 

நண்பர்களுக்காக வேண்டா வெறுப்பாக களத்தில் இறங்கும் நம் ஹீரோவிற்கு பல மோசமான அனுபவங்கள் ஏற்பட்டாலும் அவர் வேலை பார்க்கும் கடைக்கு எதிரில் கடை வைத்திருக்கும் ஒரு பெண்ணை பிடிக்கிறது, பழக துவங்குகிறார்.
நெருக்கம் அதிகமாகி வீட்டில், தனிமையில் தாம்பத்யத்திற்கு முயல்கையில் கதவை திறந்து கொண்டு ஹீரோயினின் மகள் நுழைகிறாள். எப்படி டர்னிங் பாய்ண்ட்?

 

இதுல பெரிய காமெடி என்னன்னா அந்த பொன்னு கூட வர பையன் ஹீரோ போட தெரியாம வேஸ்ட் பன்னிருக்க காண்டம் அ பார்த்து உபயோகிச்சதுனு நினைச்சுகிட்டு "DUDE, TEACH ME"னு சொல்றதுதான். 

ஒரு 40 வயசு கன்னிப்பையனுக்கு பேத்தி எடுத்த பாட்டி கன்டிஷன் லாம் போடுது, அதெல்லாம் தாண்டி எப்படி 2 பேரும் கல்யாணம் பன்றாருங்கறதுதான் க்ளைமாக்ஸ். 

உண்மையிலேயே சொல்றேன். பிரம்மச்சாரிகள் கண்டிப்பா பார்க்க வேண்டிய படம். அவங்க படற கஷ்டத்தை டீசன்ட்டா சொல்லிருக்காங்க. நிறைய காமெடி இருக்கு. எனக்கு தெரிஞ்சு ஹாலிவுட்ல ஹீரோவ இத்தனை வயசுல VIRGIN ஆ காட்டிருக்கறது இதான் முதல் தடவைனு நினைக்கறேன்.

படத்தோட ட்ரெய்லர்

மறக்காம நண்பர்கள்கிட்ட பகிர்ந்துக்கங்க.

Comments

  1. திண்டுக்கல் தனபாலன்4 July 2012 at 20:06

    நல்ல விமர்சனம் சார் ... தொடர வாழ்த்துக்கள்...
    உங்கள் தளத்திற்கு முதல் வருகை !
    Follower ஆகி விட்டேன். இனி தொடர்வேன். நன்றி !

    ReplyDelete
  2. திண்டுக்கல் தனபாலன்4 July 2012 at 20:06

    சின்ன வேண்டுகோள் : Email Subscription Widget வைக்கவும். நிறைய வாசகர்களுக்கு உங்களின் படைப்புக்கள் சென்றடையும் ! ! மேலும் விவரங்களுக்கு இங்கே (http://www.karpom.com/2012/06/feedburner.html) சென்று பார்க்கவும். நன்றி!

    ReplyDelete
  3. ஹாலிவுட்ரசிகன்5 July 2012 at 06:53

    அளவான விமர்சனம். நம்மள மாதிரி கதையை சொல்லி பதிவை ஓட்டாமல் விமர்சனம் பண்ணியிருப்பது நன்றாக இருக்கிறது.

    போன மாத இறுதியில் டவுன்லோட் செய்து வைத்த படம். இன்னும் பார்க்க கிடைக்கவில்லை. எனக்கும் ரொமாண்டிக் காமெடி வகைப் படங்கள் மிகவும் பிடிக்கும். இன்னும் நல்ல படங்களாக அறிமுகப்படுத்துங்கள்.

    Steve Carrol இன் Date Night, Crazy Stupid Love போன்ற சில படங்கள் பார்க்க நல்லாயிருக்கும். நேரம் இருந்தால் பாருங்கள்.

    ReplyDelete
  4. Nimala5 July 2012 at 07:04

    உங்களுடைய வசனங்கள் படம்பார்த்தமாதிரியான அநுபவத்தை தருகிறது. மழைச்சாரல்க்கு வாழ்த்துக்கள்

    ReplyDelete

Post a Comment

Popular posts from this blog

மைத்திருவிழா

நல்ல வெயில். ஒவ்வொரு வருடமும் இதுவரை இப்படியான வெயிலைப் பார்த்ததில்லை என்ற வசனத்தை எதிர்கொள்வது வழக்கமாகி விட்டது. காரணம் இதோ கண்ணெதிரேயே தெரிகிறது. இந்தச் சாலையில் முன்பெல்லாம் இருபக்கமும் இருந்த அடர்த்தியான புளிய மரங்கள் நினைவில் கூட மங்கலாகத்தான் தெரிகின்றன. சாலை விரிவாக்கம் என்ற வசதிக்காக எவ்வளவு பெரிய விலையைக் கொடுத்திருக்கிறோம்? ஐம்பது கிலோமீட்டருக்கு மூன்று முறை ஜூஸ் குடிக்க வண்டியை நிறுத்துமளவு வெக்கை. காலை 10 மணிக்கெல்லாம் பயிற்சி நிலையத்திற்கு வரச் சொல்லித்தான் ஆர்டர். ஆனால் பூத் ஆர்டர் வருவதற்கு எப்படியும் 12 மணிக்கு மேலாகும் என்பதால் எல்லோரும் 1 மணிவாக்கில்தான் வருவார்கள். எங்கள் குழுவில் எல்லோரும் ஆண்கள். வழக்கமாகத் தேர்தல் பணிக்கெனக் குழுக்களைப் பிரிக்கும்பொழுது ஆண்களும் பெண்களும் இருப்பது போலத்தான் பிரிப்பார்கள். ஏனென்றால் பெண்களால் அனைத்து உடல் உழைப்பு வேலைகளையும் செய்ய முடியாது. மேலும் பூத் ஏஜெண்டுகளைச் சமாளிப்பது அத்தனை எளிதல்ல. முழுக்கப் பெண்களென்றால் எளிதாக மிரட்டி தேர்தலை அவர்கள் விருப்பத்திற்கேற்றவாறு நடத்தத் துவங்கி விடுவார்கள். என்னுடன் கடந்த உள்ளாட்சித் தேர்தலு
Read more

எதற்காக வாசிப்பு?

உலக புத்தகத் தினத்தன்று வாசிப்பு குறித்து KSR கலைக் கல்லூரியில் உரையாற்ற அழைத்திருந்தார்கள். உரையாட துவங்கியதும் எழுந்து முதலில் அரங்கினை கவனித்தேன். எப்போதும் போல் முதல் இரு வரிசை நிரப்பப்பட்டிருக்கவில்லை. இங்கு மட்டுமல்ல, வகுப்பறையில் துவங்கி எந்த இடமாக இருந்தாலும் முதல் வரிசையில் அமர அனைவரும் தயங்குகிறோம். உங்களை வந்து அமருங்கள் என்று நான் அழைக்கப் போவதில்லை. ஆனால் ஏன் இங்கு அமர தயங்குகிறிர்கள் என்ற கேள்வியை எழுப்புகிறேன். யாரேனும் பதில் சொல்லுங்கள். ஒரு பெண் எழுந்து "முன்வரிசைல இருக்கவங்களைப் பாத்து ஏதாவது கேள்வி கேட்டுருவாங்கன்னுதான் சார்" கைத்தட்டினேன். என்னுடன் மற்றவர்களும் தட்டினார்கள். பதில் தெரியாத கேள்விகளை எதிர்கொண்டு விடப்போகிறோம் என்று கல்லூரியிலும் பயம். இது உங்களுக்குச் சரியாகப் படுகிறதா? உங்களை அனைத்தையும் அறிந்து கொள்ளுங்கள் என்று சொல்லமாட்டேன். அது அவரவர் ஆர்வம் சம்பந்தப்பட்டது. ஆனால் கேள்விகளைத் தவிர்க்க ஓடத் துவங்கினால் எது வரை ஓடுவீர்கள்? இறப்பு வரை உங்களது கருத்துக்களைக் கேட்கவாவது வினாக்கள் துரத்திக்கொண்டுதான் இருக்கும். அவனுக்கு, அவளுக்கு எதுவும் தெரி
Read more

இந்த கொடுமைக்கு பேசாம கல்யாணமே பண்ணிக்கலாம்- கடுப்பு பாகம் 2

Image
அன்பர்களுக்கு வணக்கம், என்னோட முதல் புலம்பலை படிக்காதவங்க தயவு செஞ்சு படிச்சுருங்க. இல்லைனா ஒரு கன்டினுயுட்டி மிஸ் ஆகும். இந்த கொடுமைக்கு பேசாம கல்யாணமே பண்ணிக்கலாம்- கடுப்பு பாகம் 1  படிச்சுட்டிங்கனா நான் எதை பத்தி பேசறேங்கறது உங்களுக்கு நல்லா புரியும். என்னோட புலம்பல் ஒட்டு மொத்த பெண்கள் சமுதாயத்தை குறிப்பிடறதா தப்பா நினைக்க வேண்டாம். என் வாழ்க்கைல தினசரி எதிர்படற, பார்க்கும் போதுலாம் ஒரு 2 செகன்ட் கண்ணை மூடி "முடியலைடா சாமி"னு சொல்ல வைக்கற சில அல்டாப் ஆண்ட்டி & ஃபிகர்களை மட்டும்தான் நான் திட்டி தீர்க்கனும்னு நினைக்கறேன். உங்ககிட்ட ஒரு விசயம் சொல்றங்க, நீங்களும் முயற்சி பண்ணி பாருங்க, எப்பவாவது ஏன்னே தெரியாமா ரொம்ப சலிப்பா, அலுப்பா எந்த வேலையும் செய்யறதுக்கு மனசே வராம இருக்கும் போது ரொம்ப நாளா உங்களை வெறுப்பேத்தறவங்களை, யார்கிட்டயாவது திட்டி புலம்பி பாருங்க அப்படி ஒரு எனர்ஜி வரும், உற்சாகம் பிறக்கும், நான் சொல்லும் போது பைத்தியகாரத்தனமா இருக்கும், ட்ரை பன்னிங்கனா கண்டிப்பா என்னை குருவா ஏத்துகிட்டு ஆசிரமம் ஆரம்பிக்கலாமானு கேட்பிங்க.   சரி, நாம புலம்பல
Read more