- மழைச்சாரல்: 2014
expr:class='"loading" + data:blog.mobileClass'>

Friday, 22 August 2014

ஏண்டா டகால்டி-CTS SEN

அன்பர்களுக்கு வணக்கம், கல்லூரி நண்பர்கள் பற்றி எழுதி நீண்ட நாட்கள் ஆகிவிட்டது, இன்று நண்பனின் பிறந்தநாள், அவனை பற்றி பேச மனம் விழைகிறது, அவனுக்கு அருமையான தமிழ் பெயர் "செந்தமிழ்", பொதுவாக ஒவ்வொரு மனிதனையும் பிடித்தவர்கள் இருப்பது போல் பிடிக்காதவர்களும் இருப்பார்கள், எனக்கு தெரிந்து என்னுடன் கல்லூரியில் படித்த அனைவருக்கும் இவனை பிடிக்கும்.செந்தமிழை நினைத்தாலே மனம் குதுகலமடையும், ஒல்லியான உருவம், சிரித்த களையான முகம், அப்பப்போ தாடி வைப்பாறு, முக்கியமானது இவனுடைய உடல்மொழி, இரண்டு தோள்பட்டையையும் தூக்கி ஆட்டி "ஏண்டா டாய், டகால்டி" என்றால் அதை நினைத்து நான் இரண்டு நாள் சிரித்து கொண்டிருப்பேன்.



அவனது தந்தை  மத்திய வங்கி வேலையில் இருந்ததால், அவனது குடும்பம் வட இந்தியாவில் இருக்க, இவன் கல்லூரி விடுதியில் தங்கி இருந்தான். இவன் பெயர் முதலாம் ஆண்டு எல்லாரிடமும் பிரபலமானதே சுவாரசியமான முறையில்தான், முதல் செமஸ்டர் தேர்வு எழுதி விட்டு மெஸ்ஸுக்கு சாப்பிட வந்த எல்லோரிடமும் "மச்சி, நீ பாஸ் ஆகிருவியா? எனக்கு போயிரும்னு பயமா இருக்குடா" என ரொம்ப அப்பாவாக முகத்தை வைத்து கொண்டு புலம்பானான், ஆனால் ரிசல்ட்  வந்த அன்று எல்லோரும் இவனை வெறி பிடித்து துரத்தினார்கள் "ஏனென்றால் இவனை தவிர எல்லோருக்கும் அர்ரியர் விழுந்திருந்தது"

மூன்றாம் வருடம் நண்பர்கள் எல்லோரும் சேர்ந்து கல்லூரி அருகில் வீடு எடுத்து தங்கினோம், அங்கு பல சுவாரசியமான சம்பவங்கள் நடந்தன, ஒன்றினை சொல்கிறேன், நண்பன் ஒருவனுக்கு பிறந்த நாள், வழக்கம் போல நள்ளிரவு 12 மணிக்கு கேக் வெட்டி ஒருவர் முகத்தில் ஒருவர் பூசி, துரத்தி பிடித்து விளையாடி கொண்டிருந்தோம், செந்தமிழ் மீது பூசுவதற்காக சிவா துரத்த இருவரும் ஓடிப்போய் ரொம்ப நேரம் ஆனது, நாங்கள் ரூம் முழுவதும் இறைந்து கிடந்த கேக்கை கழுவி விட்டு, மொட்டை மாடியில் குளித்து கொண்டிருந்தோம், திடிரென பார்த்தால் செந்தமிழும் சிவாவும் அமைதியாக ஒன்றாக நடந்து வந்தார்கள், "என்னடா இது!!!!?" என்று ஆச்சர்யமாக பார்த்தால் இவர்களை தொடர்ந்து ஒரு போலிஸ் SI பைக்கில் வந்தார், உடனே மொட்டைமாடியில் இருந்த எல்லோரும் தரையோடு தரையாக படுத்து விட்டோம், வந்த போலிஸ் Birthday boyஐ கூப்பிட்டு ஏதோ கடிந்துவிட்டு சென்றார்.

என்ன நடந்திருக்கிறது என்றால், செந்தமிழ் சிவாவுக்கு பயந்து ஒரு புதரின் பின்னால் ஒளிந்து கொண்டிருந்து, அவன் கடந்து சென்றதும் மின்னலென எழுந்து சாலையின் குறுக்கே ஓட, இவனுக்கு செங்குத்து திசையில் இரவு ரோந்து வந்து கொண்டிருந்த போலிஸ் இவன் சடாரென பாய்ந்ததால் பயந்து வண்டியோடு கீழே விழுந்துவிட்டார், பின் எழுந்து இவனை பிடித்து விசாரித்து, துரத்தி கொண்டு வந்த சிவாவை "ரேக்கிங்"கில் கைது செய்துவிடுவதாக மிரட்டி இருவரையும் அழைத்து வந்து பிறந்தநாள்காரனை எச்சரித்துவிட்டு சென்றிருக்கிறார். அந்த நிகழ்வை அந்த இடத்தில் இருந்த யாராலும் மறக்க முடியாது, இப்போது நினைத்தாலும் வெடி சிரிப்பு வருகிறது.

எங்கள் வகுப்பிலும் இரண்டு கோஸ்டி இருந்தது, ஆனால் அதிகம் முட்டி கொண்டதில்லை, அதற்கும் நேரம் வந்தது, Department secretary election, குறைந்தபட்ச தகுதி All clear studentஆக இருக்க வேண்டும், துரதிர்ஷ்டவசமாக எங்கள் பக்கம் அப்படி யாரும் இல்லை. எப்போதும் நடுநிலைவாதியாய் இருக்கும் செந்தமிழ் எங்களிடம் சிக்கினான், அவனை மூளைச்சலவை செய்து எங்கள் சார்பாக நிற்க வைத்து ஜெயிக்க வைத்தோம், அதன் பின் அவனது பதவியை வைத்து நாங்கள் ஆடாத ஆட்டம் ஆடி, எங்கள் சார்பாக எதற்கெடுத்தாலும் அவனை அலைய விட்டோம், ஒரு நள்ளிரவில் அரை தூக்கத்தில் எழுந்து பார்த்தால் விட்டத்தை நோக்கி கொட்ட கொட்ட விழித்து கொண்டிருந்தான், என்னவென்று கேட்டதற்கு "டேய், ரொம்ப தப்பா இருக்குடா, என் பதவியை எல்லாரும் தப்பா பயன்படுத்திக்கறாங்க, ராஜினாமா செய்யலாம்னு இருக்கேன்"னு சொன்னான், "சரிடா, பண்ணிக்கலாம்"னு அவனை தூங்க சொன்னேன், அந்த விஷயத்தை நண்பர்கள்கிட்ட பகிர்ந்துக்கலை,சொல்லிருந்தா அவனை மறுபடியும் பேசியே பதவில இருக்க வச்சுருப்பாங்க, சொன்ன மாதிரியே ராஜினாமா பண்ணிட்டான், அடுத்த வந்த தேர்தல்ல எங்களுக்குள்ள நடந்த கோஸ்டி தகறாறுல நாங்க தோத்துட்டோம், ஆனா நள்ளிரவில் அவனை தூங்க விடாம எழுப்பின அவன் நேர்மையை என்னால் எப்பவும் மறக்க முடியாது.

செந்தமிழ்க்கு பேய்னா பயம், எனக்கு கொஞ்சம் பயம், ஒருதடவை தெரிஞ்ச மெடிக்கல் ஸ்டூடண்ட்கிட்டருந்து மண்டைஓடு ஒண்ணு வாங்கி ஒரு பிளாஸ்டிக் கவர்ல போட்டு ரூம்க்கு கொண்டு வந்து எல்லார்கிட்டயும் "தேங்காய்பன் வாங்கிட்டு வந்துருக்கோம்,யாரும் இப்ப எடுக்காதிங்க,மிட்நைட்ல பசிச்சா சாப்பிட்டுக்கலாம்"னு சொல்லிட்டு வச்சோம், எதிர்பார்த்த மாதிரி செந்தமிழ் எனக்கு பசிக்குதுனு போய் கவர எடுத்து உள்ளே கைய விட்டு எடுத்து மண்டை ஓட பார்த்து அவன் போட்ட சத்தத்துல முருகன் பயந்து ரூமை விட்டு ஓடிட்டான், அப்புறம் என்ன எல்லாரும் சேர்ந்து என்னை திட்டினாங்க.

நாங்க தங்கி இருக்க ரூம்ல இருந்து ARRS multiplex theatre பக்கம்ங்கறதால படத்துக்கு போறப்ப நடந்துதான் போவோம், Final destination-4க்கு போறப்ப கன்னன் அவனோட TVS XLல வந்துருந்தான், அதுல ஒருத்தன் மட்டும்தான் போக முடியும்னதும் செந்தமிழ் போட்டி போட்டுகிட்டு கூட போனான், படம் முடிச்சு வரப்பவும் parkingக்கு 5₹ நான்தான் கொடுத்தேன், அதனால் நான்தான் வண்டில வருவேன்னு ரூல்ஸ் பேசி வண்டில போனான், நாங்க நடந்து போனோம், கொஞ்ச தூரம் போனதும் பார்த்தா 3-ரோடுகிட்ட ஒரு போலிஸ்காரர்கிட்ட 2 பேரும் கைகட்டி நின்னுகிட்டு இருந்தாங்க, எங்களுக்கு சிரிப்பு தாங்கலை, கிட்டதட்ட 3km நடந்து நாங்க ரூம்க்கு போனப்புறம் வந்து சேர்ந்தாங்க, எதுக்குடா போலிஸ் பிடிச்சதுனு கேட்டா, அந்த போலிஸ் சும்மா இவங்க வண்டி நம்பர் நோட் பண்ணிகிட்டு அனுப்பிருக்கு, கன்னன் வாய் சும்மா இருக்குமா? "எதுக்கு சார் நம்பர் நோட் பண்றிங்க?"னு விசாரிக்க, ஏற்கனவே போதைல இருந்த போலிஸ் கடுப்புல இங்கேயே நில்லுங்கடானு நிக்க வச்சுட்டார், அந்த இடத்துல செந்தமிழ் புலம்பனதுதான் ஹைலைட்,
 "வெறும் 5₹ பார்க்கிங்க்கு பணம் கொடுத்தது வீணா போக கூடாதுனு உன்கூட வண்டில வந்ததுக்கு என்னை நட்டநடு ராத்திரில நடுரோட்ல நிக்க வச்சுட்டியேடா கண்ணா டேய்"

ஒட்டு மொத்த சோனா காலேஜ் 2004-08 batchல முதல்ல place ஆனது செந்தமிழ்தான், எந்த கம்பெனினு கேட்கறிங்களா? "Indian military force" தெரியாத்தனமா செலக்ட் ஆனான், அப்புறம் அவன் CTS(cognazent)ல place ஆனதும் அவனை எல்லாரும் CTS senனுதான் கூப்பிடுவோம், பையன் இன்னமும் அங்கதான் இருக்கான், நல்லாரு மச்சி

-வாழ்த்தும் அன்பு நெஞ்சங்கள்
வருத்தபடாத மாணவர் சங்கம்

Saturday, 16 August 2014

கதை திரைக்கதை வசனம் இயக்கம் - விமர்சனம்

அன்பர்களுக்கு வணக்கம், அது என்னமோ தெரியலை, மத்த விஷயங்களை விட சினிமா எனக்கு ரொம்ப பிடிச்ச ஒரு விஷயம், சினிமாக்கு அப்புறம்தான் நம்ம வாழ்க்கைல தொலைக்காட்சி வந்தது, சினிமா,அன்றாட செய்திகளைதான் முக்கிய கருவா வச்சு எல்லா சேனல்லும் செயல்பட்டுகிட்டு வருது, அதுலயும் முக்கியமா சினிமால என்ன நடக்குதுங்கறதை மக்கள்கிட்ட கொண்டு போய் சேர்க்கறதைத்தான் அவங்க முதல் கடைமையா செய்யறாங்க, எதுக்கு இதெல்லாம் சொல்றன்னா அப்படி தமிழ் மக்கள்கிட்ட முக்கியமா இணைஞ்சுருக்க சினிமால ஜெயிக்கறதுக்காக ஒவ்வொருத்தரும் வித்தியாசமா ஏதாவது ஒன்னு செஞ்சுகிட்டே இருக்காங்க, வித்தியாசமா செஞ்சு ஜெயிச்சவங்கள்ல முக்கியமான ஒருத்தர் "பார்த்திபன்"

பாரதிராஜா-பாக்யராஜ்-பார்த்திபன் - கரு.பழனியப்பன் இந்த வரிசை எனக்கு பிடிச்ச ஒன்னு, தன்னோட 25வது படத்துல நடிக்காம முதல்முறையா தனி இயக்குனரா மட்டும் செய்ல்பட்டு பார்த்திபன் ஜெயிச்சுருக்காருன்னுதான் சொல்லனும். அவருக்கு யார் சொன்னாங்கன்ன்னு தெரியலை, இப்ப படம் பார்க்க வர மக்கள் என்ன எதிர்பார்க்கறாங்கன்னு ஓரளவுக்கு தெரிஞ்சுக்கு. படத்துக்கு வர ஜனங்க எதிர்பார்க்கறது ரொம்ப பெரிய கதைலாம் இல்லை, போரடிக்காத காட்சிகள் மட்டும் போதும்.

நான் காலேஜ் படிக்கும் போது பர்சனால்டி டெவலப்மென்ட் கிளாஸ்ல எல்லா ஸ்டூடண்ட்டும் கண்டிப்பா ஏதாவது ஒரு தலைப்புல ஆங்கிலத்துல பேசியே ஆகனும்னு சொன்னாதும் ரூம்ல ஆளுக்கொரு தலைப்பு எடுத்துகிட்டு அதை டெவலப் ப்ண்ணி எழுதி வச்சு மனப்பாடம் பண்ணிகிட்டு இருந்தோம், கிளாஸ்ல ஒவ்வொருத்தரா மனப்பாடம் பண்ணி வச்சத தட்டு தடுமாறி பேசனப்ப, என் நண்பன் சிவா நாங்க ரூம்ல எப்படிலாம் மனப்பாடம் பண்ணி, சொதப்பி தயாராகிட்டு வந்தோம்ங்கறதையே எங்க பேரோட 2 பக்கத்துக்கு பேசிட்டு வந்துட்டான். அதே மாதிரி தான் படத்துல கதைய தயார் செய்ய போராடுற உதவி இயக்குனர்களோட வாழ்க்கையின் ஒரு அங்கத்தையே கதையா சொல்லிட்டாங்க.


இந்த படத்தை பத்தி சொல்றதுக்கு நிறைய இருக்கு, நீங்க நிறைய படம் பார்க்கறவங்களா இருந்தா உங்களுக்கு இந்த படம் பிடிக்கும், அதுவும் இல்லாம படத்துல பார்த்திபனோட டச், அவரோட முத்திரை தெளிவா பல இடங்கள்ல தெரியுது.


கதை தயாரிக்க போராடுற ஹீரோ, அவர் கூட இருக்க குழு, அதுல ரொம்ப வருஷமா சினிமாவுல இருக்க தம்பி ராமையா, அவரோட காதல் மனைவி, அவரை ஒரு தலையா காதலிக்கற பெண் மொத்தமா இவ்வளவுதாங்க படத்துல வர கதாபாத்திரங்கள்.

சினிமாவ பத்தி இவங்க பேசிக்கற விவாதிக்கற காட்சிகள் சுவாரசியமாதான் போகுது, அதனாலயே நமக்கு கதை பெருசா தேவைபடறது இல்லை, இருந்தாலும் இடைவேளைக்கு முன்னாடி பார்த்திபன் படத்தோட இயக்குனராவே  வந்து செகன்ட் ஆஃப்ல வரதை சொல்லி ஒரளவுக்கு டெம்போவ ஏத்தறார்.

என்னன்னமோ யோசிச்சு வராத கதைக்கு பதிலா, அவரோட சொந்த வாழ்க்கைல கொஞ்ச காலத்துக்குள்ள நடக்கற பிரச்சனைகளை ஒண்ணா சேர்த்து ஒரு கதையா ரெடி பண்ணிடறார். அதை தயாரிப்பாளர் ஏத்துகிட்டாரா இல்லையாங்கறதுதான் படத்தோட க்ளைமாக்ஸ்.


படத்துல வர தயாரிப்பாளர் சொல்ற மாதிரி "படத்தை க்ளைமாக்ஸ்ல முடிக்கறோம், என்ன ஆனாலும் சரி படத்தை க்ளைமாக்ஸ்ல முடிக்கறோம்"னு ஒரு க்ளைமாக்ஸ் வச்சுருக்காங்க.

படத்தை பாசிட்டிவாவோ நெகட்டிவாவோ முடிச்சுருந்தா வழக்கமான படமாயிரும்ங்கறதால அதை மாத்தி க்ளைமாக்ஸ் வச்சுருக்கார், அதை ஜனங்க ஏத்துக்கறாங்களானு பார்ப்போம்.


படத்துல வர 2 நாயகியும் நல்லாதான் இருக்காங்க, அவங்களுக்கு புடவை கட்டி விட்டது பார்த்திபனாதான் இருக்கும்ங்கறது அவரோட படங்களை பார்க்கறவங்களுக்கு நல்லா தெரியும், அதே மாதிரி முகத்துல மஞ்சளும் பெரிய பொட்டும் பார்த்திபனோட டச், இதெல்லாம் கூட ஓகே, அங்கங்க வசனங்களும் அவரோட பேரை சொல்லுது.

அமலா பாலை மட்டும் பார்க்க சகிக்கலை, அஞ்சான் படம் சரியா போகததால இந்த படம் நல்லா போகும்னு சொல்றவங்களுக்கு நான் சொல்ல விரும்பறது அஞ்சான் பிடிச்சு வச்சுகிட்ட தியேட்டர்லாம் இவங்களுக்கு கிடைச்சுருந்தா படம் இன்னும் அதிகமா வசூல் பண்ணிருக்கும்னு தோணுது.


கண்டிப்பா எல்லாரும் பார்க்க வேண்டிய படம், கேப் விடாம பேசிகிட்டே இருந்தாலும் படம் போரடிக்கலை.

படத்தோட ட்ரெய்லர்



Saturday, 19 July 2014

சதுரங்க வேட்டை - உலக சினிமா

அன்பர்களுக்கு வணக்கம், உங்களுக்கு விவரம் தெரிஞ்ச நாள்ல இருந்து கொஞ்சம் தெளிவா சொல்லனும்னா உங்க கையில பணம் வர ஆரம்பிச்சதுக்கு அப்புறம் யார்கிட்டயாவது பணத்தை ஏமாந்து இருக்கிங்களா? கடன் கொடுத்து ஏமாந்ததை கேட்கலைங்க, குறுக்கு வழில சம்பாதிக்க ஆசைப்பட்டு ஏமாந்து இருக்கிங்களா?

1 வச்சா 2
2 வச்சா 4
5 வச்சா 10
10 வச்சா 20 னு கூவி கூவி கூப்பிடற லங்கர் கட்டை உருட்டறவன்கிட்ட பணத்தை விட்டு இருக்கிங்களா? 

வெறும் 2 பேரை நமக்கு கீழ் சேர்த்து விட்டா போதும், அதுக்கு அப்புறம் வேலைக்கே போகாம பணம் சம்பாதிக்கலாம்னு சொல்ற, உங்களை சேர சொல்லி டார்ச்சர் பண்றவங்களை பார்த்துருக்கிங்களா?

உங்களுக்கு தெரிஞ்சவங்க யாராவது மன்னுளி பாம்பு வியாபாரம் பண்ணி கோடி கோடியா சம்பாதிக்கலாம்னு பைத்தியகாரனா அலைஞ்சத பார்த்துருக்கிங்களா?

கோபுர கலசத்துல இடி இறங்குனா அது இரிடியமா மாறிடும், அப்படி மாறுன கலசத்தை கோடி கணக்குல வாங்க ஆள் இருக்குனு நம்பற ஆளா நீங்க?

உங்களோட, நம்மளோட முட்டாள்தனத்தை வெளிப்படையா காட்டற படம் தான் இந்த "சதுரங்க வேட்டை"

http://content.silverscreen.in/wp-content/uploads/2014/06/394d443a30f9fc26ff7b2982df0b6395.jpg

"ஒருத்தனை ஏமாத்தனும்னா அவன்கிட்ட கருனைய எதிர்பார்க்க கூடாது, அவன் ஆசைய தூண்டனும்" இதான் படத்தோட நாயகன் காந்தி பாபுவோட சித்தாந்தம்

கிடைக்கறவங்க எல்லோரோட ஆசையையும் தூண்டி விட்டு, ஏமாத்தி லட்சத்துலயும் கோடிலயும் பணம் சம்பாதிச்சுகிட்டு ஆள் போய்ட்டே இருக்கார். ஒரு இடத்துல போலிஸ்ல மாட்டுன பிறகுதான் அவரால எத்தனை பேர் ஏமாந்தாங்கங்கற பட்டியல் வெளிய வருது.

கோர்ட்ல வரப்போற ஜட்ஜ்மென்ட் நமக்கே தெரியும், ஏன்னா நாமதான் தினமும் இந்த படத்தோட கதை தினசரி செய்திகள்ல படிக்கறோமே!

கேஸ்ல இருந்து தப்பிச்சு வெளிய வர காந்தி பாபுவ அவரால ஏமாத்தப்பட்ட ஒருத்தன் ஒரு ரவுடி கும்பலோட உதவி மூலமா கடத்திட்டு போய் டார்ச்சர் பண்ணி பணம் கேட்க, நாயகனோட பணத்தை எடுத்துட்டு வரவேண்டிய அவரோட அல்லக்கைங்க அவரை ஏமாத்திட்டு ஒட அதுக்கு அப்புறம் தான் கதையோட விறுவிறுப்பு  அதிகமாகுது.

சுருக்கமா சொல்லனும்னா பணம்தான் எல்லாமேனு நினைச்சு குறுக்கு வழில சம்பாதிக்கற நாயகன், அதே பணத்துக்காக என்ன வேணா செய்யற கொலைகாரன்கிட்ட மாட்டுனா என்ன ஆகும்? இதான் கதை

http://moviegallery360.com/wp-content/uploads/2014/04/Sathuranga-Vettai-Movie-images-08.jpg

கதை நாயகன் நடராஜ் (பாலிவுட் கேமராமேன்) இது மாதிரி கதைய எங்க இருந்து தேடி பிடிக்கறாரோ? இவருக்குனு எழுதுன கதை மாதிரியே இருக்கு, சில வசனங்களை இவரோட பாடி லாங்வேஜ்ல சொன்னாதான் சரியா வரும்னு தெளிவா எழுதி இருக்காங்க

"காசில்லாதவன் உடம்பை வச்சு கத்துக்கோ, காசு இருக்கவன்கிட்ட வைத்தியம் பார்த்து சம்பாதி"

"ஏமாறாரதும் ஏமாத்தறதும் இயற்கையா நடக்கற விஷயங்கள்"

"தமிழ்நாட்டை சிங்கப்பூரா மாத்தரோம்னு சொல்லி ஓட்டு வாங்கறாங்க, 5 வருசம் கழிச்சும் தமிழ்நாடு அப்படியேதான் இருக்கு, அவங்களும் என்னை மாதிரி 420 தானே, உங்களால அரெஸ்ட் பண்ண முடியுமா?"

"முதலாளி இல்லைன்னா தொழிலாளி இல்லைன்னு சொல்றது முதலாளித்துவம், அதே தொழிலாளி இல்லைன்னா முதலாளி இல்லைன்னு சொல்றது கம்யுனிஷம்"

"உன்னை ஏமாத்தனவன் மேல கோப படாத, ஒரு வழில அவன் உனக்கு குரு"

ஒரு சாதாரண தமிழ் சினிமாவுக்கான எந்த ஒரு அடையாளமும் இதுல இல்லை, குத்துப்பாட்டு, சண்டைக்காட்சிகள், தனி டிராக் காமெடி, பஞ்ச் வசனங்கள்னு எதுவுமே இல்லை,ஆனா படத்துல பல இடத்துல நீங்க சிரிப்பிங்க, படத்தோட நாயகிய உங்க தெருவுல எளிதா நீங்க கண்டு பிடிக்கலாம், அவ்ளோ எளிமையா நடிச்சுருக்காங்க நாயகி இஷா நாயர்

http://moviegallery360.com/wp-content/uploads/2014/04/Sathuranga-Vettai-Movie-images-04.jpg

தமிழ் சினிமாவுல வந்த "கான் மூவி" அது இதுனு சொல்றாங்க, என்னோட மொழில சொல்லனும்னா நாட்ல நடக்கற விஷயங்களை உலகத்தரத்துல சொல்ல எடுக்கப்பட்ட ஒரு நல்ல முயற்சி, கண்டிப்பா இந்த படம் தோற்காது.

http://cdn.onlykollywood.com/wp-content/uploads/2014/06/sathuranga-vettai-release-date.jpg

டெக்னிக்கலா என்னை கவர்ந்த விஷயம் கேமரா தான், அது சுமாரா போயிருந்தா படம் டாக்குமென்ட்ரி ஆகிருக்கும், அதுல குறிப்பா இடைவேளைக்கு முன்னாடி கோர்ட்ல இருந்து ஹீரோ நடந்து வர லென்த் சீன், அதோட மேக்கிங் எனக்கு ரொம்ப பிடிச்சு இருந்தது.

ஹீரோவோட ஃபிளாஷ்பேக்கை ஒரு காமிக்ஸ் மாதிரி சொன்ன விதமும் உண்மையிலேயே அருமையா புது முயற்சி தான்.

படத்தோட தயாரிப்பாளர் நடிகர் மனோபாலா, அதுக்கு ஸ்ட்ராங்கா சிபாரிசு பண்ணது நலன் குமாராசாமி(சூது கவ்வும் - இயக்குனர்) சொல்லிகிட்டே போலாம், நீங்க போய் படம் பாருங்க.

படத்தோட ட்ரெய்லர்



பார்க்க வேண்டிய படம் நட்பூஸ்

Thursday, 19 June 2014

வடகறி - திரை விமர்சனம்

அன்பர்களுக்கு வணக்கம், எனக்கு ரொம்ப புதுசா கதை இருக்கனும்னு அவசியம் இல்லை, நான் எங்கேயும் லாஜிக்லாம் பார்க்க மாட்டேன், பொழுது போக்குக்கு மட்டும்தான் படத்துக்கு போறேன்னு சொல்றவங்களுக்கான படம் தான் இந்த "வடகறி"


படத்தோட டைட்டில்லயே ஆப்பிள் சிம்பள் வரப்பவே புரிஞ்சுக்கனும், இந்த படத்துக்கும் ஆப்பிள் iphone க்கும் முக்கியமான சம்பந்தம் இருக்குனு, ஹீரோவ முதல்ல காட்டும் போதே போன்லருந்துதான் ஆரம்பிக்கறாங்க, அவர் வச்சுருக்க போன்ல பேசுனா வாக்கி டாக்கி மாதிரி சுத்தி இருக்க எல்லாருக்கும் கேட்கும், இதுல போன் பண்ணி ஜாக்கி வேலை பார்த்து கோர்த்து விடற நண்பன் வேற....

 

ஒவ்வொரு இடத்துலயும் அசிங்கப்பட்டு, புதுசா போன் வாங்கலாம்னு 2000 ரூபாய் எடுத்துட்டு கிளம்பறார், 500 ரூபாய் ட்ரீட்டுக்கு ஒதுக்கிட்டு 1500 ரூபாய்க்கு கொரியன் செட் வாங்கறார், இந்த சுச்சுவேஷனுக்குதான் நம்ம தலைவிய கொண்டு வந்து இறக்கியிருக்கான் நம்ம இயக்குனர்


ஆனா சைனா செட் வாங்கனதுக்கு சன்னி லியோன் கூட சாங்லாம் ரொம்ப ஓவர், அதுக்கப்புறம் தான் ஹீரோ உச்ச கட்ட அவமானத்தைலாம் வாழ்க்கைல அனுபவிக்கறார், குழந்தைய கூட அவர் போனை காட்டித்தான் மிரட்டி சாப்பிட வைக்கறாங்க...

இப்ப நம்ம ஹீரோவுக்கு டீக்கடைல ஒரு ஆப்பிள் ஐபோன் கிடைக்குது, லைஃப் ஸ்டைலே மாறுது, அது வரைக்கும் பார்க்காத ஃபிகர் கூட அவரை பார்க்குது, வந்து பேசுது, லவ் செட் ஆகுது.

 

கொஞ்ச நாள்ள நெஞ்சு குத்தி, ஹீரோ மனசு மாறி, போனை அதோட சொந்தக்காரன்கிட்டயே கொடுக்க போறார், போனோட ஓனர் அவர்தான்னு நினைச்சு ஒரு குரூப் அவரை கடத்திட்டு போகுது, அதுக்கு அப்புறம் தான் லைட்டா கதை சொல்றாங்க, ஆனா அது வரைக்கும் செம கலாட்டா, CREDITS GOES TO RJ BALAJI

இளைஞர்கள், குறிப்பா வேலைக்கு போற பசங்களை சுத்தி நடக்கற கதை, கதை பெருசா இல்லைன்னாலும் சுவாரசியமான விஷயங்கள் நிறைய இருக்கு, பாலாஜி கடத்திட்டி போனவங்க கூடவே ஃப்ரண்ட் ஆகி கேரம் விளையாடறது, ரத்தக்கறைய பார்த்துட்டு சுவாதி 

"என்ன விப்ஸ்டிக் கறை?"ன்னு கேட்க ஜெய் காண்டாகி

"அடிச்சு வாயை கிழிச்சுட்டானுங்க, உனக்கு லிப்ஸ்டிக் மாதிரி தெரியுதா?"னு கேட்கறது

சுவாதிக்கும், அவ ஃப்ரெண்ட்டுக்கும் ஜெய்யை லவ் பண்றதுல சண்டை வரதை பார்த்துட்டு பாலாஜி

"டேய் தாத்தா, வயிறு எரியுதுடா"ன்னு சொல்றது

நிறைய சொல்லிட்டு போகலாம், எதையும் எதிர்பார்க்காம போனா செமயா என்ஜாய் பண்ணிட்டு வரலாம். சன்னி லியோன் வரப்ப தியேட்டர்ல செம சவுண்டு, பசங்க கூட்டமா போன கொண்டாடிட்டு வரலாம். 

 

படத்துல ஒரு சாங்ல மட்டும்தாங்க கிளாமர், அதை நம்பி போனிங்கன்னா ஏமாந்துருவிங்க, படத்துல காமெடிய எதிர்பார்த்து போனிங்கனா ஏமாற மாட்டிங்க, "என்னப்பா சும்மா லொட லொடன்னு பேசிட்டு இருக்காங்க"நு புலம்பறவங்களுக்கு கம்பெனி பொறுப்பாகுது.

படத்தோட ட்ரெய்லர்

 

Friday, 9 May 2014

யாமிருக்க பயமே - Tamil Horror Comedy Film

அன்பர்களுக்கு வணக்கம், தமிழில் முதல் முறையாக வந்திருக்கும் Horror-Comedy படம், தமிழ் சினிமாவில் புதிய வகை படங்களை ரசிப்பவர்களுக்கு கண்டிப்பாக இப்படம் பிடிக்கும். படத்திற்குள் செல்வோம். 

 

கிருஷ்னா, ரூபா மஞ்சரி காதலர்கள் என்று சொல்லிக் கொண்டு திரிபவர்கள், ஊர் முழுக்க ஏமாற்றிவிட்டு தன் தந்தையிடம் இருந்து வந்திருக்கும் பாரம்பரிய சொத்தை பார்க்க கிளம்பி சென்றவர்களுக்கு பாழடைந்த பங்களா பலத்த ஏமாற்றத்தை அளிக்கிறது.

ஆனால் ஊர் முழுக்க கடன்காரர்கள் தொல்லை, தப்பிக்க வேறு வழியில்லாமல் பெரிதாக ஏமாற்றி கிடைக்கும் பணத்தை வைத்து அந்த பங்களாவை சீராக்குகிறார்கள்.

இதற்கு உதவியாய் கருனாகரன் (அருமை நாயகம்-சூது கவ்வும்), அவனது தங்கை ஓவியா, எல்லாரும் சேர்ந்து குளுகுளு ரெஸ்டாரண்ட்டினை ஆரம்பிக்கிறார்கள், அதன்பின் தான் திகில் ஆரம்பிக்கிறது, அங்கே தங்க வருகின்ற ஒவ்வொருவராய் இறக்கிறார்கள்.